Федеральни кхерамзаллин гӀуллакхаллин (ФКхГӀ) Нохчийн Республикехь йолчу Урхаллехь хьаькамалла деш Кечкин Дмитрий хир ву.
Нохчийн Республикин Мехк-Дена Кадыров Рамзанна вовзийтина иза тахана ФКхГӀ-н инарла-лейтенанта Сапунков Сергейс.
Циггахь дийцаре дина кхерамзалла латторца доьзна гӀуллакхаш а.
Кадыров Рамзана билгал ма-даккхара, Кечкин Дмитрийна а, цо куьйгалла дечу урхаллина а оьшуш долу гӀо-накъосталла дан кийча ду республикин Ӏедал.
Иштта, хӀинццалц ФКхГӀ-н Урхаллин куьйгаллехь лаьттинчу Кочнев Игорна а баркалла аьлла Нохчийн Республикин Мехк-Дас.