Махлелоран «Грозный Молл» туьшахь тахана дуьйна болх бан йолайелла «Нохчийчоьнан бераша — Палестинерчу берашна» цӀе йолу гӀоьналлин акци.
Соьлжа-ГӀалин мэрин Ишколал хьалхарчу дешаран департаментан хьаькама Кадырова Хадижата дӀакхайкхийна йу иза.
Оцу департаментана йукъайогӀуш йолу бӀе гергга берийн беш йу акцехь дакъалоцуш: шайн бераша кечйина а, йина а хӀуманаш йухку цара.
Ӏедалан а, Ӏилманан а, культурин а, динан а, йукъараллин а гӀуллакххоша, маьршачу бахархоша уьш иэцарца гулдина ахча Палестинерчу берийн хьашташна хьажор долуш ду.
Акцин гурашкахь нашидаш олуш бераш хилар а билгалдаккха догӀу.