ГӀаззерчу палестинхойн хьашташна Кадыров Ахьмад-Хьаьжин цӀарахчу Йукъараллин фондо гуманитарин доккха гӀо-орца (62 тонна сов) дахьийтина хӀокху деношкахь.
Россин ЧХьМ-н 2 кеманца мисархойн махкарчу «Эль-Ариш» аэропорте кхачийна и гӀо-орца.
Цигара дӀа, машенашна тӀе а дуттуш, ГӀаззин дозане кхачадо иза.
КхидӀа, циггахь кхечу машенашна тӀе а дуттуш, ГӀаззин бахархошка кхачадо.
Иштта хаам бина Россин ЧХьМ-н Нохчийн Республикехула йолчу Коьртачу урхаллин хьаькама Цакаев Ӏалихана.