ТIаьхьарчу цхьана кIиран чохь «Боко Хьарам» гIеранан зуламхоша йина теракташ бахьанехь Нигерехь ши бIе сов маьрша стаг кхелхина, чевнаш хилларг а ву масех бIе стаг.
***
ТIамах бевдда Шемара дIабаханчу бахархойн барам, ООН-о динчу хьесапашца, виъ миллион стаге кхаьчна. Царах ши миллион гергга стаг Хонкарахь ву цхьа миллион сов стаг – Ливанехь.
***
Йеменехь тIемаш бар марханаш дастталц сацийна хилар чIагIдо мехкан куьйгалло а, дуьненаюкъарчу организацеша а.
***
США, Россих мостагI а тарвина, боккхачу тIамна кечлуш йолу сурт хIутту оцу мехкан куьйгалло лелош долчун терго йича. Масех де хьалха цигахь дIадаьхьна ядерни керла бомба зер.
***
Великобританин коьртачу шахьаран – Лондонан урамашкахь забастовка дIаяьхьира метрополитенан белхахоша. Цара лоьхура белхан алапа тIетохар а, белхан хьелаш тодар а.
***
Желтойчоьнан правительствос, кеч а йина, Еврокомиссин декъашхошка дIаелла кредиташ дIатакхарехь реформаш яран программа. КIирандийнахь Евросоюзан саммитехь дийцаре дийр ду цу хьокъехь долу гIуллакх.
***
Цюрихехь дIадаьхьира Украинера хьал дийцаре дарна лерина долу российско-Iамаркан дийцарш.
***
Украинин Iедалан эскарша стомара 50-зза гергга талхийра «тийналлин раж». Цара «Град» а, кхидолу а даккхий герзаш диттира Донецкан республикерчу гIаланашна а, ярташна а.
***
Уфа шахьарахь цхьаьна кхеташо дIаяьхьира БРИКС-н а, ШОС-н куьйгалхоша. Цара дийцаре дира дуьненахь кхолладелла синтеме доцу политикин а, экономикин а хьелаш.
***
Башкортостанехь Россин Президент В.Путин цхьаьнакхийтира Чинан а, Монголин а куьйгалхошца.
***
Москвахь Россин Правительствон Председатела Д.Медведевс Эрмалойчоьнан премьер-министраца О.Абрамянца дийцаре дира экономикин зIенаш шоръяран хьокъехь долу гIуллакхаш.
***
Красноярски крайхь боккха некъан бохам хилла автобус а, микроавтобус а вовшахкхетар бахьанехь. Оцу бохамехь 11 стаг кхелхина, 12 стаг лазийна.
№ 77, шот, 11 июль, 2015 шо