Нохчийн Республикин Мехк-Ден Кадыров Рамзанан дӀадолорца а догӀуш, ГаланчӀожан кӀошт меттахӀотторан белхаш бу карарчу хенахь дӀахьош.
Цуьнца цхьаьна, иза социальни-экономикин декъехь кхиоран гӀуллакхаш а ду кхочушдеш.
Царна лерина кхеташо дӀайаьхьна республикин Премьер-министра Хучиев Муслима.
Таханлерчу дийнахь бечу белхан хьокъехь аьлча, кӀоштана йукъайогӀуш хир йолчу йартийн дозанаш къасторан декъехь хьоьгуш къа ду.
Цул сов, 62,5 км некъ а тобина, 3 тӀай а тиллина.
Культурин тӀаьхьалуонан 11 объект тойарна (меттахӀотторна) а, 7 йуьрта газ йигарна (131,1 км) а, 24 трансформатор а хӀоттош, ток йигарна а тӀехь жигаралла гойтуш бу говзанчаш.
Иштта, 1,8 млрд ₽-н барамерчу инвестицийн 12 проект кхочушйан а йолор йу цигахь кеста.