«Чеченавто» заводехь хийцамаш бийр бу «Пикап» УАЗ а, «Соболь» ГАЗ а, «САДКО» ГАЗ-3308 а машенашна.
Оцу хийцамашца а догӀуш, кхидӀа и машенаш тӀеман хьашташца йогӀуш а, тӀеман хьашташна лерина а хир йу.
Telegram чуьрчу шен каналехь иштта хаам бина Кадыров Рамзана.
Шеца цхьаьна Премьер-министр Хучиев Муслим а, Промышленностан а, энергетикин а министр Хакимов Адам а волуш, Устрада-ГӀаларчу «Чеченавто» заводехь хилла республикин Мехк-Да.
Билгалбаьккхина ма-хиллара, лакхахь хьахийнчу машенашна тӀе «Корд» а, Печенег» а пулеметаш а, АГС-17 «Пламя» гранатометаш а, кхидолу герзаш а хӀиттор долуш ду.
И болх «Чеченавто» предприятехь дӀахьур бу, гӀо-накъосталла деш Н.Бауманан цӀарахлера Москван пачхьалкхан техникин университет а йолуш.