ГӀаззерчу тӀамна кӀелхьарбаьхначу Россин Федерацин бахархойн могӀарера а волуш, рогIера 116 стаг схьакхаьчна вайн махка. 61 бер а ду цаьрца.
Соьлжа-Гlалин вокзалехь уьш тlелоцуш, шайца Нохчийн Республикин Мехк-Ден гlоьнча, Нохчийн Республикин къоман политикин, арахьарчу зlенийн, зорбанан, хаамийн министр Дудаев Ахьмад а волуш, Ӏедалан а, динан а, чолхечу хьелийн гӀуллакхийн органийн а векалш бара.
Бераш а, церан дай-наной а дlатарбийр бу Шелан кlоштарчу Эвтарахь йолчу «Горный ключ» лагерехь.
Дагадоуьйту, хьалхуо, хlокху деношкахь, ГӀаззера 51 мухlажар а Нохчийчу кхаьчна хилар.