Шелковски кӀоштахь тодина федерацин тӀегӀанерчу Р-215 некъан 16 км дáкъа.
И некъ «Аштаркхне — Кочубей — ГӀизлар — ХӀинжа-ГӀала» цӀарца а бевза.
ХӀинца, хӀора а агӀонехь шишша аса хиларал сов, кхерамзаллин Ӏалашонца бекъна а бу и некъ.
Машенашна лерина некъ тобина ца Ӏаш, гӀашлойн некъ а тобина цигахь, иштта, серлонан бӀогӀамаш а доьгӀна, автобусийн 6 социйла а, 2 светофор а хӀоттийна.
И белхаш дӀабахьар бахьана долуш, 13 эзар сов машен дӀасайахалур йу цигахь цхьана дийнахь.
Говзанчаша билгалдаккхарехь, оцу некъан кхидолу дáкъош шордаран белхаш дӀабахьа лерина бу 2024-чу а, 2025-чу а шерашкахь.