Нохчийн Республикин Мехк-Дас Кадыров Ахьмад-Хьаьжин Рамзана Ӏумрат дина.
Telegram чуьрчу шен каналехь цо ша бина оцу хьокъехь хаам.
Цуьнца цхьаьна Нохчийн Республикин Муфти Межиев Салахь-Хьаьжа а, кхиболу накъостий а бара.
СаӀудийн Ӏаьрбийчоьнан тӀаьхьалуонан элин Шайх Мухьаммад Бен Салман Аль СаӀудан тӀедилларца а догӀуш, Кадыров Ахьмад-Хьаьжин Рамзан а, цуьнан накъостий а лаккхарчу тӀегӀанехь тӀелаьцна.
Маккара дӀа Мадинате а кхаьчна уьш, Масджид ан-Набави маьждигехь долчу Мухьаммад ﷺ пайхамаран кошана тӀе а хӀуьттуш.
Берриге а бусалбанашна а, къаьсттина Палестинерчу бусалбанашна а беркат доьхуш, Деле доӀа дина цара цигахь.