«Газпром межрегионгаз Грозный» йукъараллин белхалоша жигара къахьоьгуш ду лаьмнашкарчу 3 кӀоштана газаца кхачойаран декъехь.
ХӀинца меттахӀоттош йолу ГаланчӀожан а, иштта, йолуш йолу Итон-Кхаьллан а, Шаран а кӀошташ йу йуьйцурш.
Иза билгалдаьлла Нохчийн Республикин Мехк-Ден Кадыров Рамзанан а, оцу йукъараллин керлачу куьйгалхочун Лечхаджиев Анваран а хиллачу цхьаьнакхетарехь.
Шаран кӀоштахь газаца кхачойарехь къаьсттина тидам Кенхи йуьртана тӀебахийтина бу, ткъа Итон-Кхаьллан кӀоштахь — Хьачара йуьртана.
МеттахӀоттош йолчу ГаланчӀожан кӀоштахь хьал мелла а къаьсташ ду — газ цигахь цкъа а хилла цахиларна, дийнна кӀоштахь дӀабахьа безаш бу и белхаш.