Вайн сийлахь-боккхачу Даймехкан хIора гражданинна уггаре а мехалчех цхьа деза де ду тахана — Россин Федерацин Конституцин 30 шо кхаьчна.
Оцу хена чохь Россих сийлахь-боккха мохк хилла, цкъа а цхьанхьа а хилла йоцчу санкцийн Iаткъаме хьаьжна ца Iаш иза кхиаран новкъа йоьдуш йу, дуьненайукъарчу политикин хьаьрмахь уггаре а нуьцкъалчарах цхьаъ хилла йуьсуш а йу.
Коьртачу декъана иза Россин Президентан Путин Владимиран инзаречу къинхьегаман жамI ду.
Вайн Даймехкан Коьрта закон Россин гражданаша шайн бакъонех а, маршонех а пайдаэцаран чIагIо йу.
Россин Федерацин Конституцис хIора субъектана таро ло шайн къоман ламасташ, гIиллакхаш, мотт, культура Iалашйан а, кхион а.
Оцу бакъонех буьззинчу барамехь пайда Нохчийн Республико а оьцу.
Нохчийн Республикин хьалхара Президент, Россин Турпалхо Кадыров Ахьмад-Хьаьжа чIогIа лууш вара нохчийн халкъан россихошна йеллачу бакъонийн а, маршонийн а йерриге а чIагIонаш хуьлийла.
Нохчийн халкъо къобалдеш дара цунна хеташ дерг, тIаккха шен харжам а бира 2003-чу шеран бекарг баттахь.
Ас хазахетарца дезачу денца декъалво РФ-н Президент Путин Владимир а, иштта, вайн мехкан бахархой а!