Россин чолхечу хьелийн министерствос Палестинин дозанехь дӀахьош хилла болх дӀабирзина.
Telegram чуьрчу шен каналехь оцу хьокъехь хаам бина Кадыров Ахьмад-Хьаьжин Рамзана.
Цо билгал ма-даккхара, 46 дийнахь дӀабаьхьначу оцу белхан гурашкахь ГӀаззера араваьккхинарг 1 124 стаг ву, шайн могӀарера 471 стаг кхечу мехкийн вахархо а волуш.
Цигахь къахьоьгуш хилла Россин ЧХьМ-н белхахой мисархойн махкара цӀабоьрзур бу хӀинца.
Цаьрца цхьаьна Россе схьавалор ву тӀаьххьара кӀелхьарваьккхина 73 стаг а.
Россин Президентан Путин Владимиран тӀедиллар кхочуш а деш, цигахь къахьегначу Россин ЧХьМ-н куьйгалхочун хьехамчин Д.Мартыновна а, Россин ЧХьМ-н НР-ла йолчу Коьртачу урхаллин хьаькамна Ӏ.Цакаевна а баркалла аьлла Нохчийчоьнан Мехк-Дас Кадыров Рамзана.