Нохчийн Республикин Йукъараллин палатехь дӀайаьхьна Харжамашна тергамбаран Йукъараллин штабан хьалхара кхеташо.
Циггахь билгалдаьлла штабана куьйгалла деш мила хир ву а — и болх шех тешийнарг Денильханов ИсмаьӀал ву.
Йукъараллин штабан хьокъехь аьлча, харжамийн бакъонийн декъера говзанчаш а, йукъараллин гӀуллакххой а, ШХГӀ-н векалш а бу цунна йукъабогӀуш.
ТӀедогӀучу 2024-чу шарахь Россехь дӀахьур болчу харжамашна тергамбаран декъехь къахьоьгур ду цара.
Цул сов, горга стоьлаш а дӀахьур йу, 1 500 сов йукъараллин тергамхо а кечвийр ву.
Иштта, харжамийн каппашна онлайн-тергойаран туш а кхуллур йу.
Оцу балхана оьшуш йолу камерш харжамийн 290 куьпахь хӀиттор ду церан Ӏалашонехь.