ГӀаззерчу мухӀажарийн рогӀера тоба схьакхаьчна Нохчийчу.
18 стагах лаьтташ йу таханлера и керла тоба.
Кхарал хьалха схьа а валийна (5 тобанца), вайн махкахь хӀинцале а дӀатарвинарг 177 мухӀажар вара.
ХӀинца, кхеташ ма-хиллара, 6-чу тобанера 18 стаг а тӀекхетар ву царна.
Соьлжа-ГӀалин цӀерпоштнекъан вокзалехь уьш тӀелецира ЧХьМ-н а, Соьлжа-ГӀалин мэрин Ишколал хьалхарчу дешаран департаментан а, кхийолчу хьукматийн а векалша.
КхидӀа, лоьрашка церан могашаллаш а таллийтина, Шелан кӀоштарчу Эвтарахь йолчу «Горный ключ» лагерехь дӀатарбина уьш.
Республикин Мехк-Ден Кадыров Рамзанан тӀедилларца а догӀуш, хьашто мел йерг а, мел оьшург а латтош ду царна цигахь.