ТӀедогӀучу 2024-чу шеран харжамашкахь Путин Владимиран кандидатура хилийта оьшуш долу кхаьжнаш гулдаран болх дӀаболийна вайн махкахь а.
Соьлжа-ГӀалахь а, Устрада-ГӀалахь а, Гуьмсехь а болх беш йу кхаьжнаш гулдаран туьшаш.
Оцу балхана кечбина жигархой бу цигахь къахьоьгуш.
Вайн махкахь а санна, иштта болх Россин Федерацин кхийолчу субъекташкахь а дӀахьош бу.
Путин Владимиран Нохчийн Республикехь йолу харжамийн штаб Соьлжа-ГӀаларчу Профсоюзийн цӀийнехь дӀатарйелла хилар дагадоуьйту.