Москван областерчу Солнечногорск гӀалахь дӀахьош йу Йерригроссин йукъараллин-пачхьалкхан «Россин халкъийн ассамблей» вовшахкхетараллин субъекташкарчу дакъойн куьйгалхошна лерина семинар-практикум.
Цуьнан гурашкахь дийцаре деш ду Россерчу къаьмнийн а, динийн а йукъаметтигашца а, тӀекхуьуш долу чкъор кхетош-кхиорца а, терроризмана а, экстремизмана а профилактика йарца а доьзна гӀуллакхаш.
Нохчийчоьнан цӀарах цигахь дакъалоцуш ву Баширов Сайд-Мохьмад.
Иза, Нохчийчоьнан къоман политикин, арахьарчу зӀенийн, зорбанан, хаамийн министран гӀовс хилла ца Ӏаш, «Россин халкъийн ассамблейн» Нохчийчуьрчу декъан Урхаллин декъашхо а ву.
Шен къамелехь Баширов Сайд-Мохьмада билгал ма-даккхара, къаьмнийн а, динийн а йукъаметтигашца йоьзна цхьа а конфликт хилла йац Нохчийчохь тӀаьхьарчу 20 шарахь.