2023-чу шарахь Нохчийн Республикехь 1277 цIе йаьлла, цуьнах кIелхьарадаьккхинарг 139 адам дара. Иштта хаам Россин МЧС-н Нохчийн Республикехула йолчу коьртачу урхаллехь.
ЦIе йийларш дукха хьолахь нисделла ду хIусамаш чохь. Церан коьрта бахьанаш нислора тоькан гIирсашца лелон йеза кхерамазаллин бакъонаш талхор. Уггаре а дукха цIераш йийлина Соьлжа-ГIалахь а, Гуьмсан а, Хьалха-Мартанан а кIошташкахь а, ткъа уггаре а кIезиг – Шуьтан а, Итум-Кхаьллан а, Шаройн а, Веданан а кIошташкахь.
Ведомствехь хаам барехь, цIераш йийларан терахь лахдахаран Iалашонца республикехь дIахьош профилактикин боккха болх бу. Россин МЧС-н Нохчийн Республикехула йолчу коьртачу урхаллин белхахоша боккха тидам тIебахийтина берашна оцу декъехь йолу кхерамазаллин бакъонаш дIахьехарна.