Нохчийн Республикин Мехк-Ден Кадыров Рамзанан дӀадолорца Нохчийчоьнан Парламенто экстремизман хьокъехь Россин Пачхьалкхан Думе кховдийна йолу законан проект тӀеэцна. Иштта хаам бина телеграмерчу шен агӀонехь Кадыров Рамзана.
Мехк-Дас билгал ма-даккхара халкъан а, историн а, культурин а, динан а материалаш суьдо экстремизман лоруш меттигаш нислора. Иштта 2022-чу а, 20I5-чу а шерашкахь бусалбанашна чIогIа мехала йолу материалаш экстремизман лерира.
«ХIинца дуьйна дIа церан мах субъектийн тIегIанан суьдаша хадор бу. Цул сов, цу тайпа материалашна кхиэл йечу хенахь, материалийн авторш а, арахецнарш а хир бу йукъаозийна. Цо аьтто бийр бу динан тешораш ма-дарра къасто», – йаздина Кадыров Рамзана.