Нохчийн пачхьалкхан хьехархойн университетехь Соьлжа-ГIала кхиоран мастер-план йовзийтира.
Билгалйаьккхина мастер-план хIотторан болх дIаболийнера Нохчийн Республикин Мехк-ден Кадыров Рамзанан тIедилларца. Оцу проекта тIехь дIахьочу къинхьегаман балхахь дакъалецира ДОМ.РФ хIусамийн хьаьрма кхиоран финансийн институто.
Мастер-план йовзийтарехь дакъалецира Соьлжа-ГIалин мэра Кадыров Хас-Мохьмада, ДОМ.РФ-н векалша, федеральни а, регионан а эксперташа, Стратегин кхиоран «Центр» агентствон векалша.
2035-гIа шо кхаччалц Нохчийн Республикин коьрта шахьар кхиоран планан автор «МАСТЕР’С ПЛАН» компани йу. Тоьлларш къасточу хенахь оцу компанин проекто толам баьккхира. Толамхойн плана йукъахь йу йохк-эцаран карлайаьхна туьшаш а, садаIаран майданаш а, белхан керла объекташ а.
Кадыров Хас-Мохьмада баркалла элира белхан тобанна цу тайпана маьIне проект кхолларна.