Нохчийн Республикин Мехк-Ден Кадыров Рамзанан тӀедилларца боксерашна Бетербиев Артурана а, Хатаев Имамана а, Хатаев Шамалана а ахчанца совгӀаташ дина. Цул сов, Хатаев Имама социальни зӀенехь дӀаболийна некъан бохамехь зен хиллачунна гӀоьнна ахчанаш вовшахтохаран болх сацош ахча а далийтина Кадыров Рамзана.
Спортхошна ахчанаш дӀаделира Нохчийн Республикин физически культурин а, спортан а, кегийрхойн политикин а министран хьалхарчу заместитела Кадыров Ахьмада.
Билгалдаккха догӀу А.Бетербиевна 15 млн. сом, И.Хатаевна 7 млн. сом, Ш.Хатаевна 5 млн. сом делла хилар. Нохчийн Республикин хьалхарчу Президентан, Россин Турпалхочун Кадыров Ахьмад-Хьаьжин цӀарахчу йукъараллин фондо и йерриге харжаш шена тӀелаьцна.