Россин Федерацин Президента Путин Владимира, 205 лоьмар йолчу Указана куьг а йаздеш Росгвардин директоран гӀоьнчина Делиханов Ӏалибекана «инарла-полковник» лакхарчу офицеран тӀеман цӀе йелла. Цу хьокъехь хаам бина Нохчийн Республикин Мехк-Дас Кадыров Ахьмад-Хьаьжин Рамзана телеграмерчу шен агӀонехь.
Нохчийчоьнан Мехк-Дас билгал ма-даккхара, Россин Президента Путин Владимира иштта лакхара терго йар Делимханов Ӏалибека Даймехкан дуьхьа къахьегарехь хьуьнарш гайтар ду.
⠀
«Тхойшиъ вевза дуккха а шераш ду. ЧӀагӀонца ала йиш йу сан, иза бакъволу тӀемало ву аьлла. Султанан Ӏалибек, шен вежаршца – Адамца, Шарипаца, Амхьадаца Нохчийн Республикин хьалхарчу Президентана, Россин Турпалхочунна Кадыров Ахьмад-Хьаьжина тIаьхьа а хIоьттина Нохчийн Республикехь дуьненайукъарчу терроризмана дуьхьало йира цо», – йаздина Кадыров Рамзана.
Иштта, Кадыров Рамзана даггара баркалла аьлла Россин Президентана Путин Владимирна Нохчийн Республикин хьалхарчу Президентан, Россин Турпалхочун Кадыров Ахьмад-Хьаьжин командин декъашхочунна кхоччуш терго йарна а, иштта лакхара цIе йаларна а.