Нохчийн Республикин Мехк-Да Кадыров Рамзан Москвахь цхьаьнакхетта Россин Федерацин Президентан Администрацин Куьйгалхочуьнца Вайно Антонаца. Иштта хаам бина Мехк-Дас телеграмерчу шен агӀонехь.
Цхьаьнакхетарехь дийцаре дина цхьамогӀа мехала гӀуллакхаш а, Нохчийн Республикера хьал а.
«Гуттар а санна оьшучунна тӀехь гӀо-накъосталла дан ша кийча хилар хаийтира Вайно Антона. Ас баркалла боху цунна регионийн гӀуллакхашка лерина хьажарна. Со воккхаве муьллахачу хенахь а, цо тесна ца дуьтуш къастор дуйла а хууш, муьлхха а гӀуллакх цунна тӀедахьа сайн аьтто хиларх», — йаздина Кадыров Рамзана.