Нохчийн Республикин Правительствон Председателан заместителан Кадырова Ӏайшатан дӀадолорца хӀиттийна йу нохчийн цхьамогӀа гӀаланашкарчу а, йарташкарчу а урамашкахь «арара библиотекаш» — луъучо книгаш схьаэца а, чуйахка а йиш йолу кегий библиотекаш.
Цунах боккха кхаъ хилла республикин бахархошна а, хьешашна а. Цара жигара пайда а оьцу царах.
Оцу беркатечу балхана йуьстах ца лаьтта НР-н къоман политикин, арахьарчу зӀенийн, зорбанан, хаамийн министерство а, шуьйрачу хаамийн гӀирсаш а.
Тахана, Нохчийчоьнан Мехк-Дас Кадыров Ахьмад-Хьаьжин Рамзана дӀакхайкхийначу Нохчийн Республикин историн а, историн хӀолламийн а, архитектурин а, культурин тӀаьхьалонийн а шеран гӀуллакхашца нийса а догӀуш, МинНацИнформан куьйгалхочун Дудаев Ахьмадан тӀедилларца республикин шуьйрачу хаамийн гӀирсийн куьйгалхоша а, журналисташа а иттаннаш книгашца «хьалайуьзна» пачхьенерчу Зорбанан цӀенна хьалха хӀоттийна «арара библиотека».