Оцу хьокъехь хаам бира Нохчийн Республикин Мехк-Ден секретариатан куьйгалхочун заместитела, регионан могашалла Iалашйаран декъан куратора Кадырова Хутмата.
«Даггара баркалла боху шух хIоранна а сийлахьчу Рамадан баттахь дIайаьхьначу тхан «Башхачу берийн дуьне» акцехь дакъалацарна. Шун бала кхачар, шу бен доцуш цахилар бахьана долуш тхан аьтто белира ца моьттинчу кепара ахча гулдан – 10 000 000 гергга сом, иза бакъонца Iаламат хилира вайн республикерчу башхачу берашна», – билгалдаьккхира цо.
ХIокху шарахь акци бахьанехь оьшуш йолу 813 хIума ийцира, цу йукъахь:
– 4 вертикализатор, дарба лелорехь дика хийцамаш хилийта;
– 37 электроприводан а, дIасавахаран а гIудалкх, дIасадахарна паргIато хилийта;
– 45 ортопедин гIайба а, гоь а, ткъа иштта 24 маьнга а аьхна а, могашаллина дика а хилийта;
– 90 духарийн комплект, 65 ортопедин мачаш, аьхна а, тешна хилийта а;
– 69 ботт медикоменташ а, дарбадаран иэдарш а, могашалла тойарна;
– 20 ноутбук, 3 компьютер, 2 телевизор, кхиоран ловзоргаш, Iаморна а, самукъадаккхарна а;
– 32 вилспет, 5 тренажер жигара а, могаш а дахаран кеп лелайайта;
– 43 ловзо машинкаш, 16 планшет сакъерадалийтарна а, кхиорна а, ткъа иштта шатайпанчу берашна оьшуш йолу дуккха кхийерш а.
Кадырова Хутмата чIагIдира и харжаш а, гIирсаш а хIинцале шайн дайшка дIакхаьчна хилар. СовгIаташ берашна шайн цIа дIадаьхьна. СовгIаташ дIасадекъар дIадаьхьира берашна реабилитаци йаран ташшашкахь.
«Аш гIолацаро гIо дира церан дуьне кхин а къегина дан, шайн гIайгIа а, тидам а беш хиларца дIадуза. Шен хазна йукъайиллинчу шух хIоранна а даггара ала лаьа: шу – бакъдолу турпалхой ду! Шун дикачу дегнаша а, гIо дан кийча хиларо а баккъал хIара акци инзаре йира. Баркалла шуна шайн догдикаллина. Шун дика гIуллакхаш, бIозза алсамдевлла йухадоьрзийла шуна, шун доьзалшка ирс, аьтто, беркат дохьуш. Цхьаьна хилча вайга хIара дуьне дикачу агIор хийцалур ду, гIулчана тIаьхьа гIулч йоккхуш», – дерзийна Х.Кадырова.