Кадыров Хьамзат Нохчийн Республикин кхерамзаллин советан секретаран дарже хӀоттийна. Цу хьокъехь хаам бина Нохчийн Республикин Мехк-Дас Кадыров Рамзана телеграмерчу шен агӀонехь.
Кавказан инвестицийн форум дӀайахьарна леринчу кхеташонехь Кадыров Рамзана кадрийн хийцамаш бовзийтира.
Нохчийн Республикин Мехк-Ден гӀоьнча-хьехамча хилла волу Кадыров Хьамзат НР-н кхерамзаллин советан секретарь а, ткъа, хӀиннцалц оцу даржехь хилла волу Ибрагимов Турпал-Ӏела Шелан кӀоштан администрацин куьйгалхо а хӀоттийна.
Нохчийчоьнан Мехк-Дас хаийтира оцу даржашкахь и шиъ дика ларориг хиларх ша тешна хилар.