Нохчийн Республикин хьалхара Президент, Россин Турпалхо Кадыров Ахьмад-Хьаьжа дуьненчу ваьлла 73 шо кхачарна лерина нах беха 7 комплекс схьайоьллур йу Соьлжа-ГӀалахь а, Курчалойн а, Шелковски а,ТӀехьа-Мартан а, Теркан а кӀошташкахь. Шайн хӀусамийн хьелаш тодан аьтто хир бу 807 доьзалан. Цу хьокъехь хаам бира Нохчийн Республикин гIишлошйаран а, хIусамийн-коммунальни бахаман а министерствос.
«ХӀусамаш а, гӀалин хьелаш а» къоман проект кхочушйаран гурашкахь Нохчийн Республикин Мехк-Ден а, Правительствон а Администрацин куьйгалхочо Таймасханов ГӀаласа а, Нохчийн Республикин гIишлошйаран а, хIусамийн-коммунальни бахаман а министра Зайпулаев Муслима а дӀадаьхьира белхан цхьаьнакхетар.
Цара йийцаре йира чохь Ӏан кхерам болчу хӀусамашкара бахархой дӀакхалхоран программа.
«Нохчийн Республикин Мехк-Дас, Россин Турпалхочо Кадыров Рамзана гуттар а гӀодар бахьанехь чохь Ӏен кхерамечу хӀусамашкара нах дӀакхалхоран гӀуллакх сихачу боларца кхочушдеш ду. Цул сов, программин коьрта мур боцург а, кху шарахь къобалдина чохь Ӏен кхерам болчу кхитӀе а 10 эзар йиъкӀов метр гергга йолчу хӀусмашкара бахархой дӀакхалхор.
И мероприятеш карара шо чекхдалле дӀайерзо Ӏалашо йу», –дийцира Зайпулаев Муслима.
Иштта цхьаьнакхетарехь дийцаре дира коммунальни инфраструктура тойаран, энергетикин дакъа кхиоран гӀуллакхаш а, кхидерг а.