2024-чу шарахь Россин тайп-тайпанчу регионашкара а, кхечу пачхьалкхашкара а 400 эзар сов турист веана Нохчийн Республике. Цу хьокъехь хаам бина Нохчийн Республикин туризман министерствос.
Гуттар а санна уггаре а дукха туристаш Соьлжа-ГӀаларчу меттигашкахь хилла. Хьешашна чӀогӀа хазахетачарна йукъахь Кадыров Ахьмад-Хьаьжин цӀарах долу «Нохчийчоьнан дог» маьждиг а, «Грозный-Сити» комплексан цхьана стигала къоьвдина гӀишло тӀера хьажаран майда а, Архангел Михаилан килс а йу.
«Иштта, даханчу шарахь хьешашна чӀогӀа тайна «Ведучи» комплекс а, «Къоьзан-Ӏам» спортан-туризман комплекс а», — хаам бина министерствехь.
Цигахь билгал ма-даккхара Нохчийчу богӀучу туристийн терахь денна лакхадолуш ду.