Хонкаран къилбаседехь теракт йина. Оцу бохамехь 31 стаг кхелхина, бIе гергга стагана чевнаш хилла. Теракт йинарг ша а иккхина.
***
Пакистанан къилбаседа-малхбузехь чIогIа догIанаш даьхкинчул тIаьхьа хиш дистина, ярташка хьаьвдира. Цигахь лаххара а ткъа стаг кхелхина, дуккха а бахархойн цIенош дохийна.
***
Ла-Манша бухахь йолчу туннелехула цIерпошташ а, кхийолу транспорт а дIасалелар галдаьлла Францерчу морякаша юха а забастовка яр а, некъаш дIакъовлар а бахьана долуш.
***
Великобританин финансийн министра дийцарехь мехкан бюджет кхин а 20 миллиард фунтана лахъян герга ду.
***
2020-гIа шо кхачале тIеман-хIордан 50 кеманна модернизаци ян (царна тIе ракеташна дуьхьало яран гIирсаш а хIиттош) дагахь ду США-н эскаран куьйгалла.
***
Мексикан пачхьенехь Мехикохь вовшахлетта таксисташ. Цара вовшийн машенаш ягийна. Таксисташна юкъахь чIогIа лазийнарш а бу.
***
США-ца цхьаьнагIуллакхаш даран хьокъехь 1993-чу шарахь бинчу барта юккъера дIаяьлла ГIиргIизийчоь. Цу хьокъехь оцу мехкан куьйгалло хаам бина масех де хьалха.
***
Таджикистанехь токхамаш хилла. Iаламан бохамехь вархI стаг кхелхина, пхи стаг вайна. Царах хилларг цкъачунна хууш дац.
***
Минскехь контактни тобанан дакъалацархойн барт хилла Украинан Iедалан а, ДНР-н а, ЛНР-н а танкаш а, даккхий герзаш а (100 мм. калибр ерш) тIеман зилера юхадаха. Шен герзаш хIинцале юхадаьхна Донбасан куьйгалло.
***
Украинан Iедалан эскарша даккхий герзаш диттина Горловке. Иттаннаш цIенош дохийна.
***
Россин ФСБ-н белхахоша схьалаьцна Евросоюзан мехкашкара а, Украинера а герзаш вайн махка схьакхоьхьуш, духкуш йолу зуламхойн тоба. Цуьнгара схьадаьккхина бIе сов герз.
***
Россин Премьер-министра Д.Медведевс ша Новосибирскехь волуш медицинин инновацица доьзна гIуллакхаш дийцаре дарна лерина кхеташо дIаяьхьира.
№ 81, еара, 23 июль, 2015 шо