ООН-о бечу хаамашца дIабаханчу июль баттахь Иракехь 1300 сов стаг велла Ибилсан пачхьалкхан гIеранийн карах а, теракташ яр бахьанехь а.
***
ХIинццалц синтеме хеталуш йолчу Финляндехь демонстраци дIаяьхьира неонацисташа. Полицица тасадаларш хилира церан. Царах 30 сов стаг полицин отделе дIавигира.
***
Хонкаран малхбалехь полицин цхьана куьпахь теракт йина. Оцу бохамехь 3 стаг кхелхина, 28 стагана чевнаш хилла. Зулам дарна бехке лоруш бу Курдистанан белхалойн партин декъашхой.
***
Иблисан пачхьалкхан гIеранашкахь Шемахь а, Иракехь а т1ом беш хилла волу Таджикистанера бIе сов жима стаг вийна.
***
Дуьненаюкъарчу валютин фондо къобалдина Украинна кхин а 1,7 миллиард доллар кредит далар. Кхул хьалха делларг а санна, тIеман хьашташна хьажор ду цуьнан коьрта дакъа.
***
Лугански областан гIаланашна юха а даккхий герзаш диттина Украинин эскарша. И бахьанехь маьрша цхьа стаг велла, шинна чевнаш хилла.
***
Молдовехь хьалхарчу августехь дуьйна газан мах 15 а, электроэнергин мах 36 а процентана алсамбаьлла.
***
«Мистраль» хIордакеманаш Россина дохкаран хьокъехь болу барт бохорна Россина 1,2 миллиард евро дала дезар ду Францин куьйгаллин.
ХIокху шеран ворхI баттахь Россис дозанал арахь а мехкадаьтта дохкаран барам 8,7 процентана алсамбаьлла.
***
Россин Президента В.Путина а, оборонан министра С.Шойгус а махкара десантникаш декъалбира хIаваан-десантийн эскарш кхоьллина 85 шо кхачарца.
***
Россехь дIахьош долчу эскархойн ловзаршкахь дакъалоцуш бу 17 пачхьалкхера эскархой.
***
Рязански областерчу Дубровичи гIалахь Мн-28 Н вертолет доьхна. Цу тIехь хиллачу пилотех цхьаъ кхелхина, шолгIаниг чIогIа лазийна. Иза тIеман госпиталехь ву.
***
ГIалгIайчохь хIаллакйина иблисан пачхьалкхан гIеранашна юкъахь хилла бархI стагах лаьтташ йолу зуламхойн тоба.
№86, шинара, 4 август, 2015 шо