Россин Федерацин субъектийн куьйгалхошна юкъахь шайн г1уллакхашца хьолана т1е1аткъам барехь шолг1ачу меттехь ву Нохчийн Республикин Куьйгалхо Кадыров Рамзан.
Цу декъехь талламаш д1абаьхьна политикин а, экономикин а агентствос . Хаттарш деш динчу жам1ашца «Т1ех ч1ог1а т1е1аткъам» аьлла долчу декъехь ву иза.
Т1е1аткъам барехь хьалхарчу меттехь ву Москва г1алин мэр Собянин Сергей, шолг1ачу меттехь, вай лакхахь ма-аллара, вайн республикин Куьйгалхо Кадыров Рамзан, кхоалг1ачу меттехь – Г1езалойчоьнан Президентан декхарш кхочушдеш волу Миннаханов Рустам. Ткъа йоьалг1а меттиг д1алаьцна Подмосковьен Губернатора Воробьев Андрейс, пхоьалг1ачу меттехь ву Санкт-Петербурган Губернатор Полтавченко Георгий.
Политикин а, экономикин а агентствос экспертни хаттарш къайлахчу анкеташца динера. 2015-чу шеран июлехь уьш къастош д1абаьхьначу талламашкахь дакъалоцуш 25 эксперт вара, царна юкъахь бара: политологаш, политтехнологаш, медиаэксперташ, журналисташ.
Россин экспертийн юкъараллин лидерша Россин регионийн куьйгалхойн 1аткъаман юкъара мах хадор ду рейтинган жам1аш.
Рейтинга юкъабахана куьйгалхой х1окху дакъошка бекъало: т1ех ч1ог1а 1аткъам (1-20-г1ий меттигаш); ч1ог1а 1аткъам (21-50-г1ий меттигаш); юккъера 1аткъам (51-85-г1ий меттигаш).
Р.МУСИПОВ
№88, шот, 8 август, 2015 шо