Хьомсара доттагIий!
Кху беттан 23-чу дийнахь 64 шо кхочур дара Нохчийн Республикин Президентан, Россин Турпалхочун Кадыров Ахьмад-Хьаьжин. Иза сийлахь-воккха стаг, Делах чIогIа тешаш волу бусалба, дерриге а дуьненна вевзаш волу 1еламстаг, кхетаме, хьуьнаре политик, майра бIаьхо, шен доьзалан дика да а вара. Иза гуттар а халкъаца вара. Адамийн хьашташ а, лаамаш а Кадыров Ахьмад-Хьаьжина дерригенал а деза дара.
Ахьмад-Хьаьжа Нохчийн Республикин коьрте хIоьттира республикехь кегаре а, Iедал дацар а, зуламхоша шайна луъург лелочу а муьрехь, халкъо хиндолчух тешар дIа а даьлла, дог диллинчу хенахь.
Цуьнан болх дахарна гуттар а кхерам болуш бара. Амма иза цкъа а юха ца волура! Цо тIаьххьарчу хене кхаччалц маьршачу, зовкхечу хиндолчунна тIе дигира вай
Амма цуьнан уггаре а коьрта толам хилира политически а, тайпанийн а, вирдийн а билгалонашца барт боьхна, къаьстина долу халкъ, цхьабарт беш, цо цхьаьнатохар. Иза бу, Россин Президента Путин Владимира гIо а лоцуш, цо Нохчийчохь тIом а, цIий Iенош болу бохамаш кхуллуш долу бахьанаш а гуттаренна а дIадаха Ахьмад-Хьаьжин таро хилийтина болу бух.
Тахана вай кхечу республикехь дехаш ду. ХIора дийнахь схьайоьллу керла объекташ: стадионаш, больницаш, школаш, берийн бошмаш, махлелоран-самукъадаккхаран туьшаш. Сихачу боларшца кхуьуш а, кхерам боцуш а йолу регион хиларе терра Россин кхечу субъекташна масална хIиттош ю Нохчийн Республика. Иза а дуьззина Кадыров Ахьмад-Хьаьжин хьуьнар ду. Вайн дуккха а къаьмнийн халкъ машарехь, цхьабарт болуш дехаш ду, ткъа регион ша махкахь уггаре а цхьанаэшшара кхуьуш а, кхерам боцуш а хилла дIахIоьттина.
Дуьненан сийлахь-баккхийчу бусалбанех цхьаъ, Россин гоьваьлла волу пачхьалкхан деятель Кадыров Ахьмад-Хьаьжа винчу денца ас декъалдо нохчийн халкъ а, Россин халкъаш а, исламан дерриге а уммат а!
№94, 21 август, 2015 шо