Малайзи пачхьалкхана уллехь хIордкема доьхна. Цу тIехь хиллачу пассажирех 32 велла, бисинарш кIелхьарбаха аьтто баьлла.
***
Нигерерчу цхьана юьртана тIелетира «Боко-Хьарам» боламан гIеранаш. И бахьанехь бIе гергга маьрша стаг кхелхина, чевнаш хилларш а бу.
***
Камерунан къилбаседехь эккхийтар дина экстремисташа. И зулам дича лаххара а 30 стаг кхелхина, чевнаш хилларш иттаннаш бу.
***
Чинехь дIаяьхьира дуьненан шолгIа тIом чекхбаьлла 70 шо кхачарна лерина тIеман парад. Цигахь дакъалецира Россин эскаргIуллакххоша. Параде кхайкхинера 49 пачхьалкхан куьйгалхой.
***
Францерчу фермерша ши де хьалха юха а забастовкаш йолийра. Цхьа эзар гергга трактор Париже боьдучу некъа тIе яьккхина цара. Фермерша лоьху юьртабахаман сурсатийн мехаш лакхадахар, налогаш лахъяр а.
***
Африкин а, Герггарчу Малхбален а пачхьалкхашкара чутаттабеллачу мигранташна дуьхьал дан хIума доцуш, гатбелла хьийза Евросоюзан куьйгалхой.
***
Германин а, Украинин а куьйгалхоша куьйгаш яздина Киевна 200 миллион еврон механа займаш яларан хьокъехь болчу бартана.
***
Украинехь герзаш деттар сацийна масех де ду. Оцу хьолан лаккхара мах хадийна НАТО-н куьйгалло.
***
Пекинехь Россин Федерацин Президентан В.Путинан цхьаьнакхетарш хилира Чинин, Венесуэлан, Лаосан, Чехин, цхьамогIа кхечу пачхьалкхийн куьйгалхошца.
№100, шот, 5 сентябрь, 2015 шо