Нохчийн Республикин Куьйгалхочун Кадыров Рамзанан тIедиллар кхочушдеш, некъашкахь д1асалеларан кхерамазаллин белхахоша жигарабаьккхина некъашкахь бохамаш хуьлуьйтуш долу кIоршаме талхораш гучудахаран болх. Вовшах а тоьхна, дIахьош ду некъашкахь бохамаш лахбарна тIехьовсийна долу оперативно-профилактически гIуллакхаш.
Отчет ечу муьрехь Соьлжа-ГIалахь дIаязбина некъан-транспортан 6 бохам, дIадаханчу шеран оццу муьрехь хилларш 20 бохам бара, я кху шарахьчул 70 процентана алсам. Некъийн-транспортан бохам хилар бахьана долуш кхелхина 4 стаг, дIадаханчу шарахь – 8, я кху шарахьчул 50 процентана алсам, лазийна 9 стаг, дIадаханчу шарахь – 36, я 75 процентана лахделла.
ГIалахь, бераш юкъахь а долуш, некъан-транспортан цхьа бохам хилла (дIадаханчу шарахь – 2), цхьа а ца кхелхина.
2015-чу шеран 10-чу августера 26-чу августе кхаччалц ГИБДД-н отдело, Россин МВД-н Соьлжа-ГIалахула йолчу Урхаллин полицин №№2, 3 йолчу отделашца цхьаьна гIуллакхаш деш, билгалъяьккхина некъашкахь дIасалеларан бакъенаш талхийна 365 меттиг, оццу барамехь транспортан гIирсаш гIуданан майдана дIабигна. Россин МВД-н Соьлжа-ГIалахула йолчу Урхаллин ОГИБДД-н белхахоша дIаяздинчу талхорех дикка доккха дакъа транспортан гIирсийн шоферш а, ткъа иштта тайп-тайпанчу организацийн гIуллакхера нах а бахьана долуш хилла ду.
2015-чу шеран 10-чу августера 26-чу августе кхаччалц болчу муьрехь отдело 365 административни материал хIоттийна, бехкечарна 371500 соьмана г1уда а тоьхна.
ГIалахь хиллачу некъан-транспортан бохамийн топографически анализ йина. Цуьнца нийса а догIуш, дIахьош ду некъашкахь дIасалеларан кхерамазаллин гIаролхойн маршруташ дIанисъяр, лични составо гIуллакхдар некъан-транспортан бохамаш кхечу меттигашкахьчул алсам хуьлучу меттигашна ницкъ ма-кхоччу герга хилийтархьама. Соьлжа-ГIалин мэрехь юкъаялийна некъан-транспортан бохамаш хуьлуьйтуш долу хьелаш дIадахаран хьокъехь йолу предложенеш, бохамаш хуьлу меттигаш а, ткъа иштта уьш хиларан бахьанаш а гойтуш.
ДIасалеларна кхерам хилар дIадаккхаран Iалашонца автотранспортан предприятешкахь цхьамогIа гIуллакхаш дина. Вовшахтоьхна транспорт некъашка ялале хьалха а, белхан маршруташкахь а, автотранспортан предприяте юхаеача а хьовсаран дикаллина тIехь луьра таллам латтор.
ДIасалеларан кхерамазаллин бакъенаш шуьйра йовзийтаран Iалашонца автотранспортан предприятийн шоферашца а, кхечу белхахошца а, ткъа иштта школашкахь а, школе доьлху хан кхачазчу берийн учрежденешкахь а некъашкахь дIасалеларна кхерам цахилийтарх лаьцна къамелаш дина, вовшахтоьхна «Грозный» радиохь госавтоинспекторша къамелаш дар.
Йинчу анализо гойту оцу кепарчу гIуллакхаша некъашкахь кхерам цахилийтар лакхадаккхарна а, некъан-транспортан баккхий бохамаш хилар лахдарна а дика гIо деш хилар.
А.Мусуркаев,
Россин МВД-н Соьлжа-ГIалин урхаллин ГИБДД-н отделан куьйгалхо, полицин майор
№100, шот, 5 сентябрь, 2015 шо