«Терекан» – хьалхара толам
13-чу сентябрехь Россин премьер-лигин чемпионатан 8-чу турехь Соьлжа-ГIалара «Терек» команда Каспийск гIалахь цхьанакхийтира Дагестанерчу «Анжи» командица. Церан ловзар, жамI 2:0 долуш, «Терекан» толамца дирзира.
Ший а гол шолгIачу таймехь, кхо минот хан бен юкъа а ца юлуш, туьйхира. Дуьххьара Дарко Лазича 49-чу минотехь шайн кевнна чу туьйхира буьрка. Ткъа шолгIа гол тоха И.Лебеденкон аьтто белира.
«Тереко» кху чемпионатехь дуьххьара толам баьккхира. Турнирни таблици тIехь уьссалгIачу метте бевлира уьш.Ткъа «Анжи» 14-чу меттехь ю.
ТIейогIучу турехь «Тереко» шайн цIахь тIеоьцур ю «Уфа» команда.
А.ТУРШИЕВ
№104, шинара, 15 сентябрь, 2015 шо