Мисаран Президента Израилан куьйгалле дIахьедина сийлахьчу Аль-Акса маьждигехь а, цунна гуонаха йолчу меттигашкахь а къизалла лелор, маьршачу нахана ницкъ бар сацор лоьхуш.
***
Алеппо шахьарна минометаш еттачу хенахь террористаша юха а 22 маьрша шемахо вийна, чевнаш хилларш а бу.
***
Иракан парламентан декъашхоша мехкан куьйгалхочуьнга дехна чрезвычайни хьал дIакхайкхор. Церан иштта сацам хилар доьзна ду махкахь холера цамгар яьржина хиларца.
***
Венесуэлехь правительствона дуьхьал йоккха митинг дIаяьхьира. Урамашка бевллачара Iедале лоьхура политикица доьзна лецна болу бахархой паргIатбахар.
***
КIирандийнахь Желтойчохь хенал хьалха Парламентан харжамаш дIабаьхьира. ХIокху шарахь шолгIа дIахьош бара уьш. Юьхьанцарчу жамIашца харжамашкахь толам баьккхина «Сириза» партин векалша.
***
Денна эзарнашкахь схьаоьхуш болчу мигранташна шайн ницкъ ма-кхоччу дуьхьалонаш ян гIерта Европера иттаннаш пачхьалкхаш. Амма цунах гIулалкх-м ца хуьлу.
***
Лесбос гIайри юххехь доьхна, хи буха дахана мигранташ тIехь болу хIордкема. Цу тIехь хиллачарах 26 стаг кхелхина. Ткъа Италин морякаша Ливин бердайистошкахь кIелхьараваьккхина хи буха воьдуш хилла 4,7 эзар сов стаг.
***
США резахилла Шемахь «Иблисан пачхьалкхана» дуьхьал дIахьочу къийсамехь Россица цхьаьна гIуллакхаш дан. ФРГ-н кхечу мехкашца долчу гIуллакхийн министра къобалбина Iамаркан и лаам.
***
Ливин бIаьхоша шаьш сагIийна долчу Россин траллеран экипаж, юьхьанцара таллам бинчул тIаьхьа, Триполе дIахьажийна. Экипаж бехке еш ю контрабанда лелорна.
***
Стомара Росси веана Японин кхечу мехкашца долчу гIуллакхийн министр Фумио Кисида. Вайн махкахь доккху долчу кхаа дийнахь цуьнан цхьамогIа цхьаьнакхетарш хир ду Россин куьйгалхошца.
***
Россин Президента В.Путина Къилба ХIирийчоьнан куьйгалла а, халкъ а декъалдира республикин денца.
***
Россин Талламан Комитето уголовни гIуллакх долийна Комин Куьйгалхочунна В.Гайзерна дуьхьал. Иза бехкевеш ву зуламхойн тоба вовшахтохарна, нах Iехорна. Таллам бича цуьнгара схьаяьккхина миллионаш механа сахьтийн коллекци, офшоран документаш.
***
Ростовехь ши машен вовшах а кхеташ хиллачу некъан транспортан бохамехь 3 стаг кхелхина, шиъ лазийна.
№107, шинара, 22 сентябрь, 2015 шо