«Аравин коалицин» кеманаша хIокху деношкахь бомбанаш, ракеташ тоьхна Йеменера гIаттамхой болчу меттигашка. Цигахь ткъа сов стаг кхелхина, ткъе итт сов стагана чевнаш хилла.
***
Россин Президент В.Путин Москвахь цхьаьнакхийтира Палестинин Президентаца Махьмуд Iаббасца. Цара дийцаре дира шина пачхьалкхан зIенаш чIагIъяран а, Герггарчу Малхбалехь долчу хьолан а хьокъехь долу гIуллакхаш.
***
Чехерчу цхьана тIеман гIирсаш бечу заводехь эккхар хилла. И бохам хилар бахьанехь кхо стаг кхелхина, чевнаш хилларш шозза алсам бу.
***
Европин пачхьалкхашка денна эзарнашкахь тIеоьцуш болчу мигрантийн хьокъехь резолюци тIеэцна ООН-н Кхерамазаллин Совето. Иза тIеэцарехь хьесапе эцна Россин дерриге а магораш.
***
«Иблисан пачхьалкхан» гIеранаша хIокху безачу Зуль-Хьиджа баттахь а совцош дац Шемахь а, Иракехь а къиза зуламаш дар, маьрша нах хIаллакбар.
***
Реформаш дIайолийначул тIаьхьа Желтойчоьнна кхо миллиард евро кредит дала дагахь ю Евросоюз. Ткъа Румынис Молдовина 120 миллион евро лур ду, оцу мехкан бюджетан гIолоцуш.
***
США-н а, Россин а куьйгалхойн ойла цхьаьнайогIу Шемица доьзна долчу коьртачу цхьамогIа гIуллакхашкахь. Иштта дIахьедар дина США-н госсекретара Дж.Керрис.
***
НАТО-н генеральни секретара Столтенбера Украинехь дIахьедира НАТО Россица къовсаме яла а, дов лело а дагахь цахилар.
***
Роснефтегазо 60 миллиард соьман барамехь инвестицеш юкъайохкур ю хIордакеманаш даран «Звезда» комплекс кхиорна.
***
Москвахь шен болх дIаболийна кардиологийн къоман конгрессо. Цигахь дакъалоцуш бу ткъа сов пачхьалкхера кардиологаш.
***
Иркутски областехь хIокху гурахь а, тIедогIучу шеран бIаьста а цхьа миллион сов синтар дIадугIур ду. Кху шарахь цIер ш йовлар бахьанехь яьгна хьаннаш меттахIитторехь хьалхара мехала гIулч хир ю иза.
№108, еара, 24 сентябрь, 2015 шо