Соьлжа-ГIалин Заводской районан префектуро кхерамзаллин советаца, Россин МВД-н, Соьлжа-ГIалин урхаллин ОГИБДД-ца, транспортан министерствон белхахошца, кегийрхойн «Ахмат» боламца цхьаьна Соьлжа-ГIаларчу В.Путинан цIарахчу проспектехь дIадаьхьира водительша некъан боламан кхерамзаллин бакъенаш ларъяр муха ду хьажар.
– ХIара тайпа мероприятеш оха кест-кеста дIахьош а, дIахьур йолуш а ю. Нохчийн Республикин Куьйгалхочо Кадыров Рамзана некъан бохамашна дуьхьал гIуллакхаш дIадахьар тIедиллина, цу декъехь республикин ерриге а районашкахь болх дIабахьа лерина ду тхо, – элира Нохчийн Республикин кхерамзаллин Советан аппаратан юкъараллин а, кхерамзаллин а отделан хьаькама Алиев Данилбека.
Некъан бакъенаш ларъечу инспекторша водительшца профилактикин декъехь дуккха а пайдехь къамелаш дира, царна буклеташ йийкъира.
Хь.БАХТАЕВА
№109, шинара, 29 сентябрь, 2015 шо