Кху деношкахь Нохчийн Республикин къоман музейн Iилманан-серлонан отдело Соьлжа-ГIаларчу №I4 йолчу юккъерчу школин дешархошна юкъахь къийсадаларш дIадаьхьира. Дешархошна некъан бакъенаш йовзийта а, цу декъехь долу церан хаарш зен а вовшахтоьхна дара къийсадаларш. Дешархоша, кхаа тобане бекъа а белла, вай лакхахь хьахийначу отделан заведующис Джабаров Тамерлана кечдинчу хаттаршна жоьпаш делира. Берийн коьрта тидам тIебахийтинера гIашлочо ларъян езачу бакъенашна.
Къийсадаларийн жамIашца хьалхара меттиг «Светофор» тобано яьккхира. Толамхошна совгIаташ дира, Къоман музейхула экскурси ян маьхза билеташ даларца.
З.САГАЕВА
№109, шинара, 29 сентябрь, 2015 шо