Дукха хан йоццуш Новра-гIалин меттигерчу Культурин цIийнехь Нохчийн Республикин Парламентан депутаташ Хатаев Ахьмад а, Нутаев Хьусайн а цхьаьнакхийтира Новра-гIалин кегийрхошца а, школашкарчу дешархошца а. Цигахь дакъалоцуш вара Невран муниципальни районан администрацин куьйгалхо
Кашлюнов Владимир, маьждиган имам Масуханов Гунки, кхиберш.
Цхьаьнакхетарехь цара кегийрхошна а, кхиазхошна а дийцира наркотикех а, маларех а, цигаьркех а, корта бахочу молханех а, кхечух дуьйлучу зуламех а, Шемахь д1абоьду т1ом гIазот цахиларх а лаьцна.
А.Хатаевс шен къамелехь билгалдаьккхира, кегийрхой кхетош-кхиорехь, зуламах ларбарехь х1ара тайпа цхьаьнакхетарш дар чIогIа мехала хилар.
Цхьаьнакхетарехь иштта къамел дира Нохчийн Республикин Парламентан депутата Нутаев Хьусайна а. Шелковски муниципальни районан Кхара-Кхаьлларчу (Каргалинск) охьатохарх лата Iемаш болчеран секцега а хьаьжира иза кхиазхойн №2 йолчу спортшколехь. Цигахь Iемаш болчу спортсменаша баьхкинчарна шаьш Iамийна йолу дуккха а приемаш гайтира. Х.Нутаевс баркалла элира кегийрхой Iамош болчарна. «Вайн махкахь спорт кхиорехь дерриге а дина Республикин Куьйгалхочо Кадыров Рамзана. Вайн спортсменаша дуьненна дIа а гайтина шайн говзалла а, ницкъ а», – бохура цо.
И.МЕТАГАЕВ
№110, еара, 1 октябрь, 2015 шо