Ахь ала-м ца вуьту
Шина а куьйга лога-шад а лаьцна:
– КъуртI ала, къуртI ала ца боху хьоьга, – бохуш, Iаббаз холчу хIоттийна БаIиса.
ДIасагIоьртина, халла вистхуьлийла яьккхина, цо лохха хазийна:
– Легаш дIахецахь, накъост. Ахь ала-м ма ца вуьту со.
Соьга баийтийша
ГIуллакх дуйна тIе а даьлла, буур буй, баций
бохуш вовшашна чуччагIертачу нахана тIе а вахана:
– Соьга баийтийша дуй, ас биъча ца мега шуна, хIа-н? – дехна БаIиса.
– ДIавала стаг, хьан гIуллакх дац тхан дуьйнаца, – човхийна хIара. ТIаккха гуттар чIогIа дехаре ваьлла вайн хьаша:
– Баийтийша. Шайн Дела дуьхьа баийта, ас дуй бааза ши кIира ма-ду. Хьовсал, оцу Къуръана тIе биттина гамбелла ма бу сан хIара пIелг.
Тамашийна бу-кх хьуна хIара нах
Iуьйрре гIаьттина, кетIа ваьллачу БаIисна дIасалелаш, нехан неIаре хIуьттуш адамаш гина. Цара лелош долчух кхеташ воцчу цо тIехволучу жимхе хаьттина:
– Са а тасале хIокху наха лела мукъане хIун до?
– Ваши, тахана мархадосту де ма-ду.
– Вай, и бохург хIун ду? – цецваьлла БаIис. Юха сихха тIетоьхна:
– Тамашийна бу-кх хьуна хIара вайн нах. Шаьш марха лоцуш а, марха достуш а ца хоуьйту.
Гулдинарг – С.ХАСАНОВ
№114, шот, 10 октябрь, 2015 шо