Iилманан-производственни медико-биологин «Цитомед» комплексо (MБ НПК «Цитомед») а, Санкт-Петербургерчу химико-фармацевтан академис (СПХФА) а, Россин Федерацин дешаран а, Iилманан а министерствоца цхьаьна дIахьош ю лакхарчу классашкарчу дешархошна лерина йолу «Россин фармацевтийн школа» регионашна юкъара кхоллараллин конкурс.
Конкурс кхаа муьрах лаьтташ ю.
Хьалхара мур – «Россин фармацевтийн школа» школийн дIакъасторан конкурсаш;
ШолгIа мур – «Россин фармацевтийн школа» конкурсан регионан финал;
КхоалгIа мур – «Россин фармацевтийн школа» конкурсан Санкт-Петербургехь д1ахьош йолу регионашна юкъара финал.
Конкурсехь дакъалацаре кхойкху юкъарадешаран 10-чу классашкара дешархой а, юккъерчу лерринчу дешаран заведенешкара 1-чу курсашкара студенташ а.
Конкурсан толамхойн а, совгIатан меттигаш яьхначеран а аьтто хир бу СПХФА-хь, «Фармаци», «Химически технологи», я «Биотехнологи» (харжа) говзаллаш караерзош маьхза деша. СовгIаташ лур ду регионийн а, школийн а муьрашкахь толамаш баьхначарна.
Регионашна юкъарчу кхоллараллин конкурсан коьрта Iалашонаш ю:
дешаран учрежденийн дешархойн кхоллараллин таронаш кхиор, Iилманан балхе марзо кхоллар, кегийрхой корматаллина тIехьовсор, фармацевтан декъа похIме, Iалашонна тIегIерта, дIадолор долу кегийрхой юкъаозор, и.дI.кх.
Конкурсехь дакъалаца кхитIе а хаа луург хатта мегар ду:
тел: 9 (800) 333-59-64, e-mail: info @ pharm-sсhool. ru
№115, еара, 15 октябрь, 2015 шо