США-н Президента Б.Обамас Камеруне хьажийна 300 эскаргIуллакххо. Цара цигахь дIахьур ду разведка яр.
***
НАТО эскарийн жигаралла лакхаялар хаало тIаьхьарчу деношкахь Россин а, Белоруссин а дозанашна уллехь.
***
Шемарчу Алеппо гIали юххехь хилла «иблисан пачхьалкхан» Iаморан туш а, герзаш, патармаш чохь долу складаш а йохийна Россин тIеман кеманаша бомбанаш, ракеташ тоьхна.
***
Шеман Iедалан эскарша тIаьхьарчу деношкахь дуккха а чIагIдина «иблисан пачхьалкхан» гIеранашна тIелетарш дар. Зуламхой юхабовлуш бу гIаланаш, ярташ юьтуш.
***
Германин эзарнаш бахархоша митинг дIаяьхьира. Урамашка бевллачара дIахьедира канцлера А.Меркела дIахьош йолчу политикина шаьш реза цахилар.
***
Мигранташ денна эзарнашкахь схьаоьхуш бу Европин мехкашка. Уьш совцорехьа шаьш дан дезарг дийцаре до оцу пачхьалкхийн куьйгалхоша. Амма цкъачунна «молха» карош дац.
***
Россис тIеман-технически гIо до Иракехь болчу курдийн бIаьхошна. Иракан куьйгаллица бинчу бартаца а, иза резадолуш а дIахьош ду иштта гIодар. Цу хьокъехь хаам бира кху деношкахь Россин МИД-н куьйгалхочо С.Лавровс.
***
Украинехь дуьххьара даздира даймохк ларбархочун де. Оцу денна леринчу даздаршкахь дакъалецира нацисташа а. Церан тасадалар хилира полицица. Царах итт сов стаг лаьцна.
***
Россин Президент В.Путин 15-чу октябрехь пачхьалкхан визитца Астана (Казахстан) вахара. Цуьнан цхьаьнакхетарш хилира Казахстанан Президентаца Н.Назарбаевца а, мехкан кхечу куьйгалхошца а.
***
Россин Президента В.Путина «Даймехкан дуьхьа хьуьнарш гайтарна» хьалхарчу даржан орденца совгIат дина мехкан премьер-министрана Д.Медведевна.
№116, шот, 17 октябрь, 2015 шо