Истамбулан (Хонкара) полицис йохийна дIаяьккхина бераш Iамош йолу «Иблисан пачхьалкхан» туш. Цигахь харц дин хьехна ца Iаш, берашна герз тоха а Iамош хилла.
***
Россин кеманаша тохарш дина тIаьхьарчу шина дийнахь «Иблисан пачхьалкхан» гIеранийн тIеман 50 сов объект, чIагIо йохийна. Террористаш зударийн духарш тIе а духуш, дIасаида бевлла.
***
Шеман Iедалан эскарша дIахьош ду Дамаск шахьарна уллехь йолчу Джабар гIалахь болчу «Иблисан пачхьалкхан» террористашна кхиамца тIелетарш дар.
***
Израилан кхерамазаллин службаша схьалаьцна ХАМАС боламан куьйгалхо Хьасан Юсуф.
***
ОвгIанерчу талибаша хIокху деношкахь тIамца схьаяьккхина махкара яккхийчех цхьа юрт. Уьш цигара лахка кечлуш ду Iедалан эскарш.
***
НАТО-н эскараш тIеман Iамораш дIахьош ду къилба Европехь. Цигахь дакъалоцуш ю бронетехника, авиаци.
***
ХIара шо доладелчахьана Африкин а, Герггарчу Малхбален а пачхьалкхашкара Европе схьавеана лаххара а 650 эзар мигрант. Уьш хIинца а денна схьаоьхуш бу.
***
Минскехь хиллачу бартаца нийса а догIуш, Донецкан Iедало дIахьош ду фронт лаьттинчу зилера даккхий герзаш а, бронетехника а юхаяккхар.
***
Украинерчу авиакомпанеша Россига дехар дина Iаьнан муьрехь шайга Россин гIаланашка кеманийн рейсаш яйтахьара аьлла. Оцу дехаре хьожуш бу вайн мехкан авиакомпанийн куьйгалхой.
***
Кремлехь дIадаьхьира мехкан герзашца кечбинчу ницкъийн лаккхарчу даржашка хIиттийна инарлаш Россин Президентана бовзийтар. Царна хьалха къамел дира В.Путина.
***
Россин Правительствос кхана Пачхьалкхан Думехь йийцаре яйта дIалур ю 2016-чу шарна йолу мехкан бюджет.
***
Московски областерчу Красногорскехь бизнесмена А.Георгадзес виъ стаг вийна. Иза къайлаваьлла. Зулам динарг волу меттиг йийцинчунна айкхаллина 1 миллион сом кхайкхийна
№118, 22 октябрь, 2015 шо