Соьлжа-ГIала веана хилла Россин Президентан Къилбаседа Кавказан Федеральни округехь Юьззина бакъонаш йолу векал Меликов Сергей а, къаьмнийн гIуллакхийн федеральни агентствон куьйгалхо Баринов Игорь а хьаьвсира лерринчу Iалашонан ницкъийн Дуьненаюкъара дешаран туш яр дIадахьаре.
Нохчийн Республикин Куьйгалхочо Кадыров Рамзана хьешашна гайтира туьшан макет. Иза еш ю Гуьмсена юххехь. Туьшахь ду иттаннаш цIенош, гIишлош, хIусамийн цIенош а долуш, йоккха йоцчу гIаланах тера ю иза. Кхузахь лерринчу Iалашонан бIаьхоша Iамор ду хила тарлуш болу мостагIий хIаллакбаран гIуллакхаш.
Республикин Куьйгалхочо Кадыров Рамзана дийцира дешаран туьшахь герз тоха Iаморан тайп-тайпана масех меттиг хирг хиларх лаьцна. Проектаца иштта билгалдеш ду аэродинамически корпус а, парашютно-десантни туш а, авиацин ангараш а, спортан гIишлош а яр. БIаьхой кечбан туьшахь иштта кечйина лаьмнаш а, хьаннаш а йолу кхо меттиг.
Дешаран туьшахь бIаьхошна дерриге а хьелаш кхуллур ду деша а, тренировкаш ян а, даха а. Цунна билгалдеш ду чохь дахаран дерриге а хьелаш долу хьешацIа дар.
С.МАДАЕВ
№122, шот, эсаран беттан 31-гIа де, 2015 шо