Кху шеран октябрехь Россин субъектийн сий-ларам болчу куьйгалхойн рейтингехь, гуттар а санна, хьалхарчу кхаанна юкъахь ву Нохчийн Республикин Куьйгалхо Кадыров Рамзан. «ЧIогIа боккха сий-ларам» бохучу декъехь шолгIачу меттехь ву иза.
Цунах лаьцна хаам бо Политически а, экономически а коммуникацийн агентствос бинчу талламехь.
Рейтингехь хьалхарчу меттехь ву Москван мэр Собянин Сергей. Нохчийн Республикин Куьйгалхо Кадыров Рамзан шолгIачу меттехь ву. КхозлагIа меттиг ГIезалойн Республикин Президентана Минниханов Рустамна кхаьчна.
Россехь уггаре а алсам сий-ларам болу губернаторш шайн жамIашца билгалбохуш долу экспертни хаттарш дар дIахьо къайлах анкеташ кечъярца. 2015-чу шеран октябрехь оцу таллам барехь дакъалецира 25 эксперта: политологаша, политтехнологаша, медиаэксперташа, журналисташа.
Юьхьанца хIора эксперта мах хадабо анкета тIехь волчу хIора кандидатан сий-лараман, ткъа цул тIаьхьа билгалбоккху эксперташа мах хадоран юккъера барам (юккъерчу барамехь йолу баллаш).
ЖамIан рейтинг Россин экспертни юкъараллин тхьамданаша мехкан регионийн берриге а куьйгалхойн сий-лараман цхьаьна мах хадор ду. Хаттарш даран жамIашкахула рейтингана юкъабахана болу куьйгалхой дIасанисбо «чIогIа боккха сий-ларам» (1–20), «боккха сий-ларам» (21–50), «юккъерчу барамера сий-ларам» (51–85) дакъошкахь.
С.ТУМАЕВ
№125, шот, лахьанан (ноябрь) беттан 7-гIа де, 2015 шо