Премьер-Лигин командашна юкъахь Россехь хьалхеяккхаран чемпионатан 15-чу туран матчехь Соьлжа-ГIалара «Терек» 7-чу ноябряхь шен цIахь «Ахмат-Аренехь» цхьанакхийтира Москварчу «Спартакца».
Хьалхарчу тайман ялхолгIачу минотехь ялале хьешийн аьтто белира счёт схьаелла, Семёнов Андрейс шайн кевна чу буьрка тохар бахьана долуш.
Матчан 21-чу минотехь соьлжагIалахоша дIанисйира счёт – 1:1, Адилсон Варкен каде хоьвзар бахьана долуш. Счёт кхин хийца ца луш ехха левзира командаш. Амма цхьанакхетаран 80-чу минотехь толаман гол тоха аьтто белира «Терека» тIелатархочун Аблайе Мбенген
Толам баккхар бахьана долуш «Терек» турниран таблициехь 7-чу могIаре ялла, ткъа «Спартак» 5-чу могIарехь ю.
РогIерчу турехь 22-чу ноябрехь, Нохчийчоьнан коьрта команда хьошалгIахь ловзур ю Краснодарерчу «Кубанца».
А.ТУРШИЕВ
№126, шинара, лахьанан (ноябрь) беттан 10-гIа де, 2015 шо