Нохчийн пачхьалкхан университетехь дIаяьхьира студентийн «ХIун? Мичахь? Маца?» цIе йолчу интеллектуальни ловзаран къасторан 5-гIа тур. Иза дIаяхьаран Iалашо яра кегийрхошна къоман культура йовзийтар.
Цигахь дакъалоцуш бара университетан ерриге а факультеташкара студенташ. Билгалбаха безаш бара уггаре а дика нохчийн гIиллакхаш, гIуллакхаш девза студенташ. Жюрин декъашхошна боккха кхаъ хиллера студенташна дика, кIорггера нохчийн гIиллакхаш хууш хиларх.
Жюрис билгалъехира толаман меттигаш:
Хьалхара меттиг – георгафин а, геоэкологин а факультетан тоба; шолгIа – пачхьалкхан урхаллин факультетан тоба; кхоалгIа – медицински институтан тоба.
З.САГАЕВА
№128, шот, лахьанан (ноябрь) беттан 14-гIа де, 2015 шо