Кунта-Хьаьжин цIарахчу Россин Исламан университетехь дIадаьхьира мини-футболехула долу къийсадаларш. Цигахь дакъалоцуш яра шариIатан Iилманан а, кечамбаран а факультетийн ерриге а тобанаш.
И къийсадаларш дIадаьхьира студентийн могашалла чIагIъяран Iалашонца. ХIора а командо гайтира шайн хьуьнарш. Хьалхара меттиг яьккхира шариIатан Iилманан факультетан 3-чу курсан студенташа, шолгIа меттиг – шариIаташ Iилманан факультетан 2-чу курсан студенташа, кхоалгIа меттиг – кечамбаран факультетан 1-чу курсан студенташа.
СовгIатан меттигаш яьхначу командашна Кунта-Хьаьжин цIарахчу Россин Исламан университетан ректоран цIарах мидалшца а, Сийлаллин грамоташца а совгIаташ дира.
З.ЛЕЧИЕВА
Суьрта тIехь: къийсадаларийн дакъалацархой
№130, еара, лахьанан (ноябрь) беттан 19-гIа де, 2015 шо