«Иблисан пачхьалкхан» гIеранийн тIеман чIагIонашна, мехкадаьтта доккхучу меттигашна денна бомбанаш, ракеташ етта Россин 60 сов кемано.
***
Шемин Президента Б.Ассада дIахьедина: «ИГИЛ-н» тIеман ницкъашна США коьртехь йолчу коалицис цхьана шарахь динчул алсам зен дина Россин кеманаша шина баттахь.
***
«Иблисан пачхьалкхана» герзашца а, патармашца а, кхечуьнца а гIо деш ю лаххара а 40 пачхьалкх. Цу юкъахь ю террористашна дуьхьал къийсам дIабахьа беза бохуш кхайкхамаш беш ерш а.
***
Малайзин Куала-Лумпурехь дIаяьхьначу Х-чу Малхбалеазиатски форумехь дакъалоцуш хиллачу Россин Премьер-министран Д.Медведевн цхьаьнакхетар хилира ООН-н генеральни секретарца Пан Ги Мунца.
***
Малин пачхьенерчу цхьана хьешацIенна тIелатар дечу хенахь террористаша байъинчарна юкъахь Россера ворхI стаг ву.
***
Иордан хинан малхбузе агIор Израилан полицин белхахоша кхо палестинхо вийна маьршачу нахана тIелата гIоьртина хилар бахьана долуш.
***
Мьянмехь токхамаш хиларца доьзна бIе гергга стаг кхелхина, кхин а бIе стагах хилларг цкъачунна хууш дац.
***
Финляндехь доккха ло диллина, мехаш а хьоькхуш. И бахьанехь токан серий а хедда, 55 эзар цIа электросерло йоцуш дисира.
***
ГIиргIизийчохь мохк бегийна. Iаламан бохамо бахархойн диъ эзар цIа дохийна. Даккхий зенаш дина 50 сов школина, больницина.
***
Аргентинехь президентийн харжамийн шолгIа тур дIаяьхьира. Оцу турехь дакъалоцуш хиллачу кандидаташна юкъахь яцара мехкан таханлера президент. Харжамийн жамIаш тахана-кхана девзар ду.
***
Иран а, Росси а космосан декъехь цхьаьнагIуллакхаш дан лерина ю. Цу хьокъехь болчу бартана куьйгаш яздина шина пачхьалкхан векалша.
***
Леррина операци дIахьочу хенахь кIирандийнахь ГIебартойн-Балкхаройчохь хIаллакйина шена юкъахь 14 террорист волу зуламхойн тоба. «Иблисан пачхьалкхан» гIолоцуш хилла уьш.
№132, шинара, лахьанан (ноябрь) беттан 24-гIа де, 2015 шо