Францерчу Ле-Бурже шахьарахь дIахьош ю гуонахара Iалам талхор сацорехьа гIуллакхаш дарна лерина йолу дуьненаюкъара конференци. Цигахь дакъалоцуш бу бIе сов пачхьалкхан векалш.
***
Ле-Буржехь Россин Президент В.Путин цхьаьнакхийтира США-н Президентаца Б.Обамица, Израиалан премьер-министраца Б.Нетаньяхуца, цхьамогIа кхечу пачхьалкхийн куьйгалхошца.
***
Хонкарна дуьхьал экономикин санкцеш юкъаялийна Россин Правительствос. Уьш хьакхаелла туризмах а. Таханлерчу дийнахь оцу махкахь садоIуш ву 919 россихо.
***
НАТО-н куьйгалло дIахьедина ОвгIанан Iедалан эскарна ахчанца гIо дар 2016–2020-чуй шерашкахь а дIахьуриг хилар.
***
Шемахь дуьххьара «Земля-Земля» ракеташца стигала даьлла СУ-37 тIеман кема. Дийнна куп «дIашаръян» ницкъ болуш ю и ракеташ.
***
Польшерчу Мелеце гIалахь бохийна Сийлахь-боккхачу Даймехкан тIеман шерашкахь Польша фашизмех паргIатйоккхуш эгначу советийн салтийн сийнна хIоттийна хилла хIоллам.
***
Шемахь вийначу Россин летчикан, Россин Турпалхочун дакъа тIехь долу кема охьадуссуш цунна дуьхьал веара мехкан оборонан министр С.Шойгу, ВКС-н главком В.Бондарев. Турпалхо Липецкехь лахьте верзор ву.
***
Чинехь дуькъа дохк а, къахь а хилар бахьана долуш 40 гергга машен вовшахкхетта. Оцу некъан бохамехь 4 стаг кхелхина, лазийнарш кхин а дуккха а алсам бу.
***
Казахстанах ВТО-н юьззина бакъонаш йолу декъашхо хилла. Цуьнца доьзна оцу пачхьалкхан Президента Н.Назарбаевс тIедиллина ерриге а банкашкахь ревизеш дIаяхьар.
***
Украинехь хьалхарчу декабрехь дуьйна баьпкан мах тIекхетта. Керлачу шарахь дазлур ду кхачанан кхидолу сурсаташ а.
***
Украинин Iедало тIедогIучу шарахь а дIахьур ду Къилба Iаьрбийн Республикера кIора эцар. ДуьххьалдIа цхьана январь баттахь эца леринарг 170 эзар тонна кIора бу.
№136, еара, гIуран (декабрь) беттан 2-гIа де, 2015 шо